U Deputy Commissioner (Supply), East Jaintia Hills District, Khliehriat da pynbna paidbah u wa ki kaam dai rachon (Fair Price Shop Dealers) wa Phñiang Charak (S.K. Oil Retailers) ha East Jaiñtia Hills District neibynta u snem 2022 u kut noh ha ka 31-12-22. Kamtæ kiwon kiwon kiwa chong chnong, ki Society, ki Self Help Group (SHG) yong ka East Jaiñtia Hills District kiwa kwah wow man kam ki Fair Price Shop Dealers neibynta 5 snem (2023, 2024, 2025, 2026 wa 2027) ye ki wow booh ya ka ki Application yong ki ha ka yung krehkaam yong u Deputy Commissioner (Supply), East Jaiñtia Hills District, Khliehriat.
Ya ki Application Form ye u yoh na ka yung krehkaam u Deputy Commissioner (Supply), East Jaiñtia Hills District, Khliehriat. Ki kot ki sla kiwa toh u pyndait lang wa ka Application toh ka Court Fee Stamp kawa T. 25, i rai yong ka Dorbar Chnong, i pyrtuid ki dkhot yong ka Vigilance Committee wa ki Phone Number yong ki, ka Scheduled Tribe Certificate, ka Epic Card, ka Bank Account Number (da kawa Xerox ya ka sla kawa nakhmat yong ka Passbook kawa pynoo yei pyrtuid, Bank Account wa kiwi), i Dur Passport Size 2 tylli, u Mobile Phone Number, ka Bank Security Deposit T. 5000 wa u Aadhaar Number. Ki Fair Price Shop (FPS) waroh toh u pynkrehkaam noh ki ya ka kor Electronic Point of Sale (ePOS) Device wei wow booh Signboard.
Chooh chooh, ka Dorbar Chnong lane Vigilance Committee toh u kitkhia ki wow phah ya ki Application, wei wow Submit ya ki cha ka yung krehkaam u Deputy Commissioner (Supply), East Jaiñtia Hills District ha lane chwa ka 30-09-22 khnang wow lait na iwon iwon i tkoh wow saam ya ki maar baam mar dih kamjooh leh ya ka phñiang charak. Ki Waheh Chnong wa ki Secretary Chnong ym ye ki wow man kam ki Dealer. Ki Waheh Chnong wa ki Secretary Chnong toh u tipmit ki ya kiwa yaleh wei toh u man kiwa biang ha ka liang ka poisa ka tangka, kiwa biang ka thaw booh tiar wa ka thaw booh phñiang charak wei toh u man ki leh kiwa tip u thoh u tar.
Ya ki Application ki wym biang katkam ki kyndon wa da kdaw haneiñ ym ye u pdiang.
