Hadien wa da pynman ya ka yalang paidbah da ka National Law School Demand Committee ha ka 15 tarik uni u bnai ha Jowai wow dawa booh ya ka National Law School University ha Ri-loom Jaiñtia, daw pynman biang ya kani ka yalang paidbah sa ha Khliehriat ha ka 22 tarik uni u bnai heipor 11:00 waje i step ha Jaiñtia Eastern College, Khliehriat.
Kamtæ da khut kyrpaad ya ki paidbah yong ka East Jaiñtia Hills wa kynthup nadooh ki khynnah skur, College, kiwa yahkhmat chnong nadooh ki Waheh Chnong, Secretary Chnong yong ka District, ki seiñbhalang, kiwa mihkhmat ka thaaiñ, ki bru waheh, ki bru chemphang, ki muktiar, ki seiñ manbei wa ki khon khynroo khyllood yong ka thaaiñ u embynta ki ha kani ka yalang.
Ya ini da leh wow pynyoo cha ka sorkar kam kiwa chong chnong ka Ri-loom Jaiñtia yei angnood ki wow yoh ya kani ka chlem e sikai.
