Da khut wow yaleh ya le tylli ki Scholarship neibynta ki kynthai, kiwa duna hei doh i pran wa ki khonswet

U Deputy Commissioner ka East Jaiñtia Hills District da pynchlur u ya ki khynnah kiwa man kam kiwa chong chnong wa pura ka Meghalaya kiwa lai puræ (Technical Education) wow yaleh ki yaka AICTE-Pragati Scholarship Scheme neibynta ki kynthai (Degree wa Diploma), wow yaleh ya ka AICTE- Saksham Scholarship Scheme neibynta kiwa duna hei doh i pran (Degree wa Diploma) waka AICTE- Swanath Scholarship Scheme (Degree wa Diploma) neibynta ki khonswet.

Kiwa yaleh ya kani ka AICTE-Pragati Scholarship Scheme for Girls Students toh u man ki kiwa dang lai puræ ya ka First Year ka Degree næ Diploma Level Course, næ ka Second Year ka Degree næ Diploma Course kiwa psiah lyngba ka Lateral Entry ha kiwon kiwon ki thaw puræ wa da tipmit da ka AICTE neibynta uni u snem.

U chah ar ngut ki khon kynthai na kawi ka manyung khlem da pait yei yoh i laa tangwa ymtoh u man ki kiwa yoh palat Rs. 8 lak chi snem i kamai. Hap leh wow wanrah yaka Income Certificate wa da yoh na ki bor sorkar wa toh u pait yeini.

Kani ka Scholarship toh kawa daw pynthymme neibynta u snem wow wan deiwa yoh ya ka Renewal Application lyngba ka Website ka National Scholarship deiwa e lang ya ka Promotion Certificate wa yoh na ki bor pynlai ka thaw puræ. Kitu ki wym ye u ku Class daw dooh ki ya kani ka Scholarship.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heiyatoh waka AICTE- Saksham Scholarship Scheme for Specially Abled Students namo kiwa duna hei doh i pran, hap ki wow man kiwa dang lai puræ ya ka First Year ka Degree næ Diploma Level Course næ Second Year ka Degree næ Diploma Course deiwa psiah lyngba ka Lateral Entry ha kiwon kiwon ki thaw puræ wa da tipmit da ka AICTE neibynta uni u snem. Ki Specially Abled Students toh u man ki kiwa duna i bor i doh i pran wa 40% chaneiñ yow ye wow yaleh ya kani ka Scheme. Hapoh kani ka Scheme leh ki manyung ymtoh u man ki kiwa kamai palat Rs. 8 lak chi snem wei hap leh wow wanrah lang yaka Income Certificate kiwa da e da ki bor sorkar kawa da hap wow pyndait lang waka Application. Kani ka Scholarship toh kawa daw pynthymme neibynta u snem wow wan deiwa e ya ka Renewal Application lyngba ka Website ka National Scholarship deiwa e lang yaka Promotion Certificate wa da e da ka thaw puræ. Kitu ki wym ye u ku Class daw dooh ki ya kani ka Scholarship.

Heiyatoh won waka AICTE-Swanath Scholarship Scheme (Degree wa Diploma), kitu kiwa yaleh toh u man ki kam ki khonswet kiwa da dooh ya ka bei wa u pa næ kiwa da dooh ya ka bei u pa neidaw u COVID-19 næ ki khon ki chipai kiwa da dooh yei mynsien heipor wa leh yei kaam kamjooh kiwa man leh kam ki khon ki Central Parliamentary Forces.

Kini kiwa yaleh ymtoh u man ki kiwa da dep yoh ya kiwon kiwon ki Scholarship na ka Central Government næ State Government næ na kiwon kiwon kiwa da e da ka AICTE. Hap ki leh wow man kiwa dang puræ katni ha ki thaw puræ wa da tipmit da ka AICTE ha ki kyrdan Degree næ Diploma Level ha ka Regular Mode (1^st, 2^nd, 3^rd næ 4^th Year). Ka kamai ka yung ki ymtoh u palat Rs. 8 lak chi snem wei emkaam leh wow wanrah lang ya ka Income Certificate.

Kiwa kwah wow yaleh ya kini ki Scholarship Scheme ye ki wow lai ha ka Website www.scholarships.gov.in. Hap ki leh wow Print ya ka Application Form dep te li e cha ki jar jiar ki thaw puræ deilang wa ki kot ki sla wa emkaam. Ya ki Application u pdiang du da Online donhi.

Ka tarik wa khaddooh wow pdiang ya ki Application Form toh ha ka 31-12-23.