Ynne ka sngi u President ka EJNC uwa man leh u Secretary ka Jaiñtia Coordination Committee for Reservation Policy (JCCRP) da pyntip u wa daw em ka yakhih chong kyllaiñ myngngor ha Khliehriat ha ka 31 tarik uni u bnai.
Ini i yakhih toh kam ka dak wow pynbor ya ka sorkar wow pynkylla ya ka Reservation Policy neibhah ki paidbah ka East Jaiñtia Hills leh da sñiaw emkaam ki wow sylli noh ya ka Reservation Policy kawa da rim bha.
Da ong u wa kani ka kaam ktah ko ya waroh ki manyung mansem ymtoh du hapoh East Jaiñtia Hills tangwa ha Khasi Jaiñtia leh waroh kawi.
Kamtæ da khut ya waroh kiwa chong chnong ka East Jaiñtia Hills nadooh ki khynnah, ki manbei manpa wa kiwi kiwi wow wan ki cha kani ka yakhih neibhah katkam wa man kattæ kani ka Reservation Policy man ko kawa thæh chiliang wei da emkaam wow bhah ya ka katkam i boon paaid hapoh ka jylla.
