Ka sur yong ki tre truck wa em hapoh East Jaiñtia Hills District wa kynthup nadooh ki 6,10,12,14 wa 16 chaka da pyntip ki cha waroh ki tre truck wa em hapoh East Jaiñtia Hills wa daw em ka General Public Meeting ha ka 20-04-2023 ha madanbol Bypass Mookhep heipor 11:00 waje i step yow jied ya kiwa kitkaam wa pura yong ka.
I thong yong ki tre truck toh wow em da ka yong ki hi ka Association kawa krehkaam wei da kawa tip lang da ki paidbah yong ka East Jaiñtia Hills District waroh kawi.
Chooh chooh deiwa em da kani ka seiñ daw ye u khanglaad leh yei chah khnioñ lane i leh chiliang khmat ha kiwa na baar District hawa kit wa bah ya ki mar ki mata neibhah kamwa man katni hi waroh ki marpohkhyndaw kiwa mih toh kiwa boon napoh East Jaiñtia Hills District.
Kamtæ ki tre truck wa em hapoh East Jaiñtia Hills District em ki ka hok wa hakhmat dooh wow dawa u kit namo ka Loading khnang wa ki tre truck daw yoh myntoi ki hawa booh truck.
Hajrong ini da khut ya ki para wa booh truck wa em truck hapoh East Jaiñtia Hills District wow chimkhia wow pynlait por khnang khnang wa ki kaam u lai bait lai ryntih chakhmat.
I pyntip na ki Convener kani ka yalang kitæ: U Welking Swer, u Wis Suchiang, u Skem Sumer, u Ewingson Dkhar, u Kyrshan Dkhar, u Hamlen Rymbai wa u Kyrpad Dkhar.
