Kam chimbynta yow pteiñ ya iwa da mut da mang yong ka Myntdu Pynthorneiñ Farmers Welfare & Producers Organisation, yow yaleh u pynneh, u pynbha wei wow pynmiat chooh chooh ya ka rood ka Myntdu Pynthorneiñ yow im ka manbru longbru lyngba i pynbha ya ka khyndaw, ka um, ka hali yow bha leh ka rep kba rep jhoor, u im ki doh um, ki mrad ha ka tawiar ka Myntdu.
Neiliang ka Myntdu Pynthorneiñ Farmers Welfare and Producer Organisation, khut ko ya kitu ki tre thaw wa ki warep kba donhi kiwa em hali harood ka wah Myntdu ha Pynthorneiñ nadooh na yingkieñ Myntdu chadooh chaneiñ yow ya wan phi chynnam cha ka yalang kawa daw man ha ka 22-11-2023 (Muchai) heipor 10:30 i step ha yung trep u woh Newell Shallam.
Ha kani ka yalang, ka chnat krehkaam ka sorkar jylla ka Executive Engineer Water Resource, West Jaiñtia District, Jowai daw wan pynche ko ya i thmu yong kani ka chnat yow thooh laad u yada ya ki hali heipor wa chlai ka um ka wah Myntdu khamtam ha Pynthorneiñ na waroh arliang ka Myntdu.
Kamtæ, ka seiñ kyrpaad ko ya kiwa em hali, ya ki warep harood ka Myntdu wow sñiawbha phi u ya wan u ya krehlang waka seiñ, yow man kaam iwa da thmu neibynta u nang bha nang miat i rep ha tawiar ka Myntdu Pynthorneiñ waroh kawi.
Discussion about this post