Da khut ya kiwa daw dap 18 snem ka Nartiang, Jowai, Raliang wa Mowkaiaw Constituency wow em hapoh ka Electoral Roll

Ka yung krehkaam u Deputy Commissioner (Election), West Jaiñtia Hills, da pyntip paidbah ko wa daw em ka Special Summary Revision yong ka Photo Electoral Roll katkam ka tarik 01-01-2023 ka wow man kam ka Qualifying Date namo ka tarik wa kheiñ ya kiwa da dap 18 snem wei u sdang u leh yeini nadooh ka 09-11-2022 neibynta ka 1-Nartiang, 2-Jowai, 3-Raliang wa 4-Mowkaiaw Assembly Constituency.

Da ong wa ka Election Commission ka ri India da e laad ko ya kiwa chong chnong wow pyndap ya ki Form waphær waphær nadooh ka ka 09-11-2022 hadooh ka 08-12-2022.

Ki khynnah wa dap 18 snem hadooh ka 01-01-2023, ye ki wow pyndap ya ki Form wow pynpsiah pyrtuid ha ka Electoral Roll. Chooh chooh da e laad leh ya kiwa chong chnong kiwa daw dap 18 snem i rta katkam ka 1 Naitung (Apr), 1 Naiynñiaw (Jul) wa 1 Naichiphaw (Oct) u 2023 wow e kti chwa (In Advance) ki ya ki Form wow pynpsiah pyrtuid, wei ya ki Form yong ki daw bichaar manda toh i por katkam wa da phah ka Election Commission ka ri India.

Kiwa chong chnong kiwa kwah wow pyndam, u tympleh (Delete) yei pyrtuid yong kiwa ha-yung ha-sem kiwa da khlaad ye ki wow pyndap ya ka Form 7 hapoh kitai ki tarik wa da kdaw hajrong kamjooh leh wow tympleh ya ki pyrtuid kiwa em ar tylli ki Vote namo kiwa da rah Vote cha kiwi ki thaw.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamjooh kiwa kwah wow rah pyrtuid na kiwi ki Polling Station cha kiwi won (Transfer) wei kiwa kwah wow pynbait yeiwa bakla (Correction) ha ki EPIC yong ki, ye ki wow e ya ki Form ha ki tarik wa da booh.

Da ong u wa ya ki Form waphær waphær ye wow e ha ki Booth Level Officer (BLO) kiwa em ha man la ki Polling Station. Ki tarik wa kyrpang (Special Campaign Dates) heiwa ki BLO u em ki ha ki Polling Station u man i ha ka 18 wa 19 tarik uni u bnai ha ka bynta wa nyngkong wei 25 wa 26 tarik uni u bnai ha ka bynta wa ar.

Ya ki Form ye wow e Online lyngba ka NVSP/Voter Helpline App.

U Deputy Commissioner (Election) da kyntu u ya waroh kiwa chong chnong ka West Jaiñtia Hills District wow chimkhia wei wow krehlang wa ka yung krehkaam khnang wow yoh ya ka Electoral Roll kawa khooid.