Ini toh i pyntip cha waroh kiwa kreh kam ki Muster Roll/Daily Minimum Wages wa daw em ka General Meeting kawa daw pynman deiwa ya krehlang wa ka All Jaintia Mid Day Meal Workers Union ha ka 15 tarik January, 2025 heipor 10:00 waje i step (thij) ha Yungwalieh ka Dorbar Chnong Loomiongkjam, Jowai.
Kamtæ da kyrpaad joor ya phi ki para wa kreh wow u pynlait por phi chynnam wow yawan cha kani ka yalang wa emkaam bha yong kiwa kreh mylla sngi wa em ha East wa West Jaiñtia Hills District kiwa kreh ha ki chnat sorkar waphær waphær.
Ki mat wow yaklam toh yei pynbna pynkrehkaam ka sorkar Meghalaya deiwa pynku ya ka Floor Basic Rates Minimum Wage katkam i dawa na ka All Jaiñtia Muster Roll Workers & Labour Union wa kiwi de ki mat.
Kamtæ da kyrpaad ya phi kiwa kreh mylla ha ki District ka Jaiñtia Hills khamtam phi kiwa em ha Jowai wow sñiawbha phi u wan chynnam cha kani ka yalang yow ap yow sñiawlang phi waroh yeiwa pynkrehkaam ka sorkar khamtam wa man i myntoi ya phi kiwa kreh nongsngi wa ka sorkar kamjooh ya kiwi tawon kiwa kreh mylla sngi.
I pyntip na ka Wegetwell Rumut, General Secretary ka All Jaiñtia Muster Roll Workers & Labour Union, CEC Jowai.
Discussion about this post