Ka All Jaiñtia Muster Roll Workers & Labour Union, da kyrpaad joor ko ya phi waroh kiwa kreh Muster Roll/Casual Wage/ki mistri/ki dkhot ka MBOCWB Labour Department, kiwa sniawtre, kiwa da im na i yakhun ka seiñ ha ki bnai ki snem wa dadep yow im yow yoh ya i hok yong phi, wow sñiawbha phi u pynlait por chynnam u wan ya chimbynta lang ha ka General Meeting kawa daw pynman ha ka 02-12-24 ha Yungwalieh ka Tpep Pale Dorbar Chnong, Jowai heipor 10:30 i step thij wei wow sñiawbha phi wow wan biang por.
Ki Agenda kiwa u yaklam
1) I pynslem ka sorkar jylla u pynku ya ka nongsngi (VDA) kawa toh u pynkrehkaam nadooh ka 1st October, 2024.
2) I wym su ka sorkar ya ka nongsngi wa toh hok u pynku ko chi sien 5 snem (Basic Floor Rates) nadooh ka 1st October 2023, katkam ka aiñ Minimum Wage Act 1958.
Katda kamtæ dei mynsien wa sñiawkhia ya ini i wym bna ka sorkar jylla u pynkrehkaam ya iwa da toh hok u yoh, khamtam iwa da ku dor lut ki marbaam ha yaaw ha dukan, ka bai bordiñ, ka bai kot bai puræ ki khon ki pyrsa wa kiwi kiwi kiwa da ktah ya i rukom im iwa man-ka-sngi yong kiwa kreh nongsngi, da rai wow pynman da kani ka General Meeting.
Da kyrpaad ya phi waroh u pynlait por chynnam u ya mih paidbah, u wan klam phi ha kani ka yalang. Kani da man ko ka kaam yap kaam im ka yong kiwa kreh nongsngi kiwa da chkeh na ka nongsngi wa su ka sorkar. Kamtæ ha ka kaam yow imlang, ka yakrehlang uwi pa kawi dawa bha ko yow yoh yei hok, u nang yoh bor u pyndep ya i kaamram chirup wa ka sorkar.
U biang u dap i emkaam man-ka-sngi nadooh ka yung ka sem, ka chnong ka dong daw khlan daw chngaaiñlang ko waroh chirup i pynkrehkaam hok ka sorkar jylla.
Ha kani ka yalang u Khroo L Pariat, Founder & Adviser ka seiñ daw emlang, daw klam bniah u ya kitai ki Agenda.
Kani man ko neibynta waroh kiwa em ha East wa West Jaiñtia Hills District wa embynta ha kini ki jait kreh.
Discussion about this post