U Deputy Commissioner (Supply), East Jaiñtia Hills District, Khliehriat da pyntip paidbah u wa i kaam wow dai rachon (Fair Price Shop Dealers) wa phniang charak (S.K Oil Retailers) ha East Jaiñtia Hills District neibynta u snem 2021 daw kut noh ko ha ka 31 Kmaichonglad (December), 2021.
Kamtæ da pyntip u wa lada em kiwa chong chnong, ki seiñ kam ki Societies, ki Self Help Group (SHG) hapoh ka ka East Jaiñtia Hills District kiwa kwah wow man kam ki Fair Price Shop Dealers neibynta u snem 2022 ye ki wow thap Application ha ka yung krehkaam u Deputy Commissioner (Supply), East Jaiñtia Hills District, Khliehriat.
Ya ka Application Form ye u yoh na ka yung krehkaam u Deputy Commissioner (Supply), East Jaiñtia Hills District, Khliehriat.
Ki kot ki sla kiwa emkaam wow soohlang wa ka Application toh ka Court fee Stamp T. 14, ka rai ka Dorbar Chnong, i pyrtuid ki dkhot ka Vigilance Committee wa ki Phone Number yong ki, ka EPIC Card, ka Bank Account No. (Deiwa Xerox ya ka sla kawa chakhmat ka Passbook kaba pynyoo ya ki pyrtuid Bank Account), i Dur Passport Size 2 tylli, Mobile Phone Number, ka Bank Security Deposit T. 5000 wa u Aadhaar Number.
Ki Fair Price Shop (FPS) waroh toh u pynkrehkaam noh ki ya ka kor electronic- Point Of Sale (ePOS).
Chooh chooh ka Dorbar Chnong næ Local Club toh u kitkhia ki u pait bniah bha heiyatoh wa i ebor ya ki Application, wei wow phah ya ki cha ka yung krehkaam u Deputy Commissioner (Supply), East Jaiñtia Hills District ha namo chwa ka 30 tarik uni u bnai khnang wow lait na iwon iwon i tkhoh ha i wow saam ya ki mar baam kamjooh i phñiang charak.
Ki Waheh Chnong wa ki Secretary Chnong ymye ki wow man kam ki Dealer tangwa emkaam wow pait wei wow thooh bha ki ya kiwa pyndap pyrtuid wow man ki kiwa biang ha i liang ka poisa, kiwa biang ki thaw booh tiar wa i phñiang charak wei emkaam wow man ki kiwa tip wow thoh u taar.
Ya ki Application ki wym biang katkam ki kyndon wa da kdaw hajrong ymye wow pdiang ya ki.
