Ka Dorbar Chnong ka Cham Cham deilang wa ka Cham Cham Tourism Promotion Society daw pynman ki ha ka sien wa nyngkong ya ka Miss Rynji Falls 2022, kamtæ da khut ya kiwa kwah u chimbynta wow wan ki cha ka Audition kawa daw pynman ha Jowai wa ha Khliehriat.
Kani ka Miss Rynji toh kawa neibynta waroh ki kynthai kiwa em i rta nadooh 14 hadooh 30 snem wei ya ka Jowai Audition daw pynman ha ka 24-10-2022 ha Infinity Restaurant, Ladthadlaboh katwa ya ka Khliehriat Audition daw pynman ha ka 25-10-22 ha Sanmala Restaurant heipor 11:00 waje i step hadooh 4:30 i janmiet ha waroh ar tylli ki thaw.
Kiwa wan cha kani ka Audition toh u riam ki da ki Blue Denim Jeans wa ki Black Tops.
Ya ka Miss Rynji Falls 2022 daw pynman ha Sahksaw ha ka 12-11-22 wei kawa rah yei naam Miss Rynji daw yoh ko ya ka song-poisa kawa Rs. 30,000 kawa yoh 1st Runner Up won Rs. 20,000 katwa kawa yoh 2nd Runner Up won u yoh ko Rs. 10,000.
Ya ka yutip wa bniah ye wow Phone ha u 8837351187 wa 7005214330.
