Ka North East Zone Cultural Centre, Ministry of Culture, Government of India, Dimapur da khut ko ya kitu kiwa em yei sap wow yaleh ki ya ka Young Talent Artistes Award neibynta u snem 2020- 2021 ya kitu kiwa embynta ha ki Folk wa Tribal Music/Song & Dance, Theatre, Dance Drama, Mime, Painting. Wood, Cane & Bamboo Crafts, Traditional Handloom & Handicrafts, Pottery wa kiwi kiwi.
Kini kiwa yaleh wow yoh ya kani ka khusnaam toh u man ki 18 hadooh 30 snem i rta (hadooh ka 15-03-22). Kani ka khusnam u kynthup ko ya ka poisa kawa T. 10,000, Citation deilang waka Memento.
Kiwa yaleh toh u man ki kiwa chong chnong ka Indian wei kiwa chong chnong ka jylla Arunachal Pradesh, Assam, Manipur, Meghalaya, Mizoram, Nagaland, Sikkim wa Tripura. Tangwa kitu kiwa da dep yoh ya ki Award (State/National) nachwa heiyatoh wa kini ki jait kaam ym ye ki wow yaleh ya kani.
Kiwa kwah wow yaleh ya kani ka Award ye ki wow yoh ya ka Application Form naka yung krehkaam ka Directorate of Art & Culture/Cultural Affairs yong jar jiar ki jylla lane naka Shilpgram, Panjabari, Guwahati wa na Headquarter Office, Dimapur.
Ya ka Form ye wow yoh naka Website ka NEZCC. Ya kiwa yaleh (Applicant) daw jied da jar jiar ki sorkar jylla.
Ka Application toh u poi ko cha ka yung krehkaam ka NEZCC hadooh ka 15-03-22 donhi, ym pdiang ya kiwa poi hadien.
