Ka One Man Commission of Inquiry wa khlieh da u Justice T. Vaiphei heiyatoh wa iwa jia ha chnong Mukroh, West Jaiñtia Hills da khut ko ya waroh kitu kiwa tip yeiwa jia haka 22-11-22 heiwa da dooh yei mynsien yong ki 5 ngut kiwa chong chnong wa uwi uwa na Assam.
I thong kani ka takit, toh wow chemdien yei daw wa jia i siat ki pulit ka Assam wa ki bru ka chnat Forest ka Assam iwa da wanrah i yap ki 6 ngut ki bru.
Chooh chooh yow chemdien hadooh katwon emkti namo ym emkti ki pulit Assam wa ki bru ka chnat Forest ka Assam ha ini wa jia wa kiwi kiwi de ki daw.
Hajrong ini waroh da pyntip cha waroh ki bru, ki seiñ wa kiwon kiwon kiwa tip chaphang ini wa jia ha Mukroh wow wan ki hakhmat ka Commission ha lane chwa ka 29-12-22 yow ye u chim wei wow booh dei thoh ya waroh iwa yoo wa tip ki deiwa rahlang waka Affidavit deilang wa ki sakhi ha kiwon kiwon ki dur lada toh da ki kot ki sla leh wei wow thoh che bha yei pyrtuid wa i thaw sah ki.
