Ka yung krehkaam yong ka Electoral Registration Officer, 7-Amlarem (ST) Assembly Constituency, da pyntip paidbah wa ka Election Commission yong ka ri India, da hukum ko wow pynbiang ya ka Draft Photo Electoral Roll yong ka 7-Amlarem Assembly Constituency ha ka Sub-Division katkam ka tarik 01-01-2022 (iwa mut kiwa dap 18 snem hadooh kani ka tarik). Hajrong ini kitu kiwa chong chnong kiwa da dap 18 snem i rta katkam katai ka tarik wei kamjooh ki wym pu em pyrtuid ha ka Draft Photo Roll ye ki wow pynpsiah pyrtuid ya idæ ha ki Polling Station wa em ha ki chong wa sah ki. Kamjooh leh ya kitu kiwa da yap, kiwa da mih chnong yow pyndam yei pyrtuid na ka Photo Electoral Roll, kamjooh yow pynbait yei bakla iwa ye u leh ha ini i por.
Ya ka Draft Photo Roll daw pynmih ha ka 01-11-2021 ha yung krehkaam yong ka Electoral Registration Officer, Office yong ka Sub-Divisional Officer (Election) Amlarem Sub-Division wa lyngba ki Booth Level Officers (BLOs) ha ki Polling Station. Yei tyrwa wa i dawa næ ujor pyrtuid daw pdiang nadooh ka 01-11-2021 hadooh ka 30-11-2021.
Ka yung krehkaam ka Electoral Registration Officer, 7-Amlarem (ST) Assembly Constituency, da pyntip paidbah wa ki bru sorkar (Booth Level Officers) daw wan ki ha ki Polling Station wow kreh neibynta kini ki kaam nadooh ka 01-11-2021 hadooh ka 30-11-2021. Kamtæ da kyrpaad ya kiwa chong chnong wow leh ya kini ha wah:
Wow e yei pyrtuid kiwa thap Vote kiwa da yap næ kiwa da yut chnong, khnang wow ye u ah noh yei pyrtuid yong ki na ka Electoral Roll.
Wow e yarap lang ya ki bru sorkar (BLOs), deiwa bichaar sani yei pyrtuid wa ki dur wei lada chem yei wym biang nadooh i rta lane lada em kiwa mih pyrtuid mih dur ki wym toh u em; wei lada chem ya kam kini wow sñiawbha wow pyntip wut wut cha u Electoral Registration Officer lane cha u Booth Level Officer yong katu ka Polling Station hapoh ka chnong yong phi.
Waroh kiwa emkaam lane kiwa thap Form toh wow lai mih hakhmat u Electoral Registration Officer/Assistant Electoral Registration Officer ha ka tarik, i por wa i thaw wa da booh ya ki neibynta wow takit bniah. U Electoral Registration Officer/Assistant Electoral Registration Officer ye ki wow kyntait noh chisyndon ya ki Form lada u/ka wa yaleh ym em lai mih ki da iadæ hi hakhmat u Electoral Registration Officer/Assistant Electoral Registration Officer ha ka tarik wa da booh.
Da kyrpaad leh wow pynlait ya ka yung skur/Community Hall (Polling Station) ha kitai ki sngi neibynta ini i kaam. Kamjooh leh wow yarap ya ki bru sorkar (Booth Level Officers) ha kiwon kiwon ki bynta kiwa emkaam manda poi ki cha ka chnong yong phi deiwa bood ryntih ya ki kyndon wa da pynmih daka chnat yong i chait i khiah kam i sap ya ki Mask, i yieñ yajngai iwi na iwi (Social Distancing) kamwa 6 phut wei wow sait kti da i sabon wa ka Hand Sanitizer.
U Electoral Registration Officer/Assistant Electoral Registration Officer da dep pynbait ki ya ki tarik wow bichaar ya ki Form 6, 7, 8, 8A wei ya ki tarik/por wa i thaw, ye phi wow yoh na ki Booth Level Officer.
Daw em leh ki sngi wa kyrpang (Special Campaign Dates) ha ka 13-11-2021 wa 20-11-2021 kiwa man ki sngi Saturday heiwa ki Booth Level Officers (BLOs) u em ki ha waroh chi sngi ha ki Polling Station, kamtæ da kyrpaad ya kiwa chong chnong wow lai mih cha ki Polling Station yong ki.
