Da ki ben wa ki desk e yarap ka JSM cha ka Pamrakmai RCLP School

Ka seiñ JSM Eastern Region waka Pamra Unit kam chibynta wow kyntu kynrong ya ka puræ puthi wa i stat i tip ha ki thaaiñ nongkyndong kamjooh i lehkmen dap 50 snem i yoh ya ka jylla Meghalaya. Ynne ka seiñ da e yarap ko cha ka Pamrakmai RCLP School da ki 10 jur ki ben wa ki desk.

U Headmaster yong kani ka skur u Barius Rymbai da khana u wa ya kani ka skur da seiñ ya ka ha u snem 1980 kam ka L.P. School wei hei lai luti ha ki snem wa da lai chadien da chem chiboon i eh i duna ha ki liang waroh, tangwa dei yaleh chitom kiwa yahkhmat Balang, kiwa pait wa yoo warim yong kani ka skur da ye u pynku ya ka cha ka U.P. School ha u snem 2004. Kamjooh leh da pynsñiaw u wa lyngba kani ka skur da pynmih ko ki Doctor, kiwa sikai, ki pulit, ki chipai wa kiwa yahkhmat ha ka chnong ka thaw wa ha ka imlang sahlang. Chooh chooh leh da pynsñiaw u yei kmen wa i sñiawngooh ya ka JSM wa da yarap sñiawbha ko cha kani ka skur.

Hei klam u President Rangbah ka seiñ, u Leningstar Rymbai da ong u wa i stat ha kani ka juk katni man ko kawa emkaam wa kordor bha hadooh kattæ kattæ ka wym ye i u thied u dai wei man ko leh kam ka waitlam kawa nep waroh arliang wow pynemkaam ha waroh ki liang, da pynshlur u leh ya ki bei ki pa wow pynlai skur u pynstat pyntip ya ki khon ki kti yoh u man ki ka mynried ka mankawi ha ka imlang sahlang. Da pynsñiaw u leh wa kam ka seiñ da chakri bha ko ha chiboon ki liang ha ka imlang sahlang yong ka Ri-Loom Jaiñtia hi waroh kawi.

Ha i klam na u President ka JSM Eastern Region, u Wellson R D Siangshai da pynsñiaw u wa i dawa ya ka College sorkar ha East Jaiñtia Hills man ko kawa da lai chakhmat deiwa em kyrmen lyngba kani ka College sorkar daw yarap chiboon ya kiwa dooh wa duk yong ka thaaiñ, deiwa kyrpaad lang ya kiwa chong chnong ka thaaiñ wow ya ksohkti lang.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka sngi da emlang u waheh chnong, u Iaikiewbha Rymbai, ka Headmistress yong ka U.P. School, ka Agnes Rymbai deilang wa kiwa yahkhmat ka seiñ u Eiladmiki Dkhar, Discipline Secretary Eastern Region, u Bormi Dkhar, Finance Secretary Pamra Unit, u Macstarly Dkhar, Asst. Finance Secretary, u Letme Siangshai, Cultural Secretary, u Firstme Siangshai, Assist Publicity Secretary. Ki dkhot ka SMC, kiwa yahkhmat Balang, ki khynnah skur wa ki bei ki pa yong ki.

Da pynkut da ki kyntien e khublei sñiawngooh na ka Wanpor Dkhar kawa man kawa sikai yong kani ka skur.