Da ki Billion Dollar ye u dooh nong kiwa pynlai lieñsuiñ neidaw u COVID-19

I chah pyndam i hær ki lieñsuiñ cha China neidaw wa poor u COVID-19 ye ko wow ktah ya kiwa pynlai lieñsuiñ hapoh ka pyrthai iwa ye u poi i dooh nong hadooh $5 Billion ha ki soo bnai chwa uni u snem, da antaad ka International Civil Aviation Organization’s (ICAO).

Kamwa 70 tylli ki Airlines da pyndam ki ya waroh ki lieñsuiñ yong ki kiwa hær cha China wa kiwa mih na China wa sa 50 tylli da pynduna ki ya i boon ki lieñsuiñ yong ki wa krehkaam ha China, da ong ka ICAO haka Report yong ka.

Da ong chooh chooh wa u COVID-19 daw ktah chooh chooh u ya kiwa pynlai lieñsuiñ bar ya u Severe Acute Respiratory System (SARS), heiwa da dooh nong $7 Billion ha u 2002-2003, wa hap pyndam yei hær ki lieñsuiñ.

Ka Japan samen ye ko wow dooh hadooh $1.29 Bllion naka kaam uiñke suwari neidaw wa da hiar ki nong China kiwa wan da antaad ka ICAO. Ka Thailand leh kawa ye u chah ktah bha deiwa dooh nong $1.15 Billion.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Vietnam Airlines da pyntip ko wa ini da pyndooh nong ko yaka da $10.8 Million chi tayaw. Ka El Al Israel Airlines da pyntip ko leh wa da antaad ko wa daw dooh ko $30 Million ha kini ki soo bnai wa sdang uni u snem.

Neiliang won ka sorkar Russia da ong ko wa eh wow antaad hadooh katwon wow dooh nong kiwa pynlai lieñsuiñ ka ri. Tangwa u Russian Deputy Minister of Transportation u Alexander Yurchik da ong u wa kiwa napoh ri kiwa pynlai lieñsuiñ ye ki wow yoh yarap poisa naka sorkar hadooh 1.6 Billion Rubles ($25.2 Million), tangwa ya ini dang yaklam.

U COVID-19 da ktah u leh yaka khyi pateiñ wa ha rukom neidaw wa ka China man ko kawi na kiwa pynmih mar wa heh dooh hapoh pyrthai.