Ka yakhih yong kiwa sikai Contract wa da chah pyndooh kreh ha ka sorkar da joor bha i hadooh wa ynne ka sngi ki pulit da kawang ki da ki bomb pynjhia khmat yow khang ya kiwa sikai wow lai toor cha Secretariat ha Shillong.
Ini i leh yong ki pulit da pynsier ym du ya kiwa sikai tangwa khamtam ya ki khon khian kiwa da wan yah da kiwa yakhih lang cha kani ka yakhih neibhah ki pulit ym kheiñ de ki ya ki kynthai næ khynnah deiwa kawang ya ar tylli ki bomb pynjhia khmat yow pyntieñ ya kiwa sikai.
Ini i leh yong ki pulit da pynmih leh ya u dak yukylli lada emkaam mo wow yakhun ya kiwa sikai kiwa du hapoh 100 ngut da u bomb lane da ki tiar pynmynsoo wei kiyi wa e hukum wow kawang ya utai u bomb pynjhia khmat.
