Da ki bomkala thang ki paidbah hapoh baiscope wa maya ya u Salman Khan

I jia wa ye u ong wa du hapoh India wa ye u jia, ki paidbah wa lai pait baiscope haka sngi wa pynyoo ya ka phlim wa thymme u Salman Khan kawa tip kam ka Tiger 3 da pynyoo ki yei chongchit wei maya ya u Salman deiwa thang syndon da ki bomkala heipor wa dang pynyoo phlim.

Yeini wa jia da yoh ki paidbah wow riñ Video hapoh kawi ka baiscope wa em ha Malegaon, Maharashtra haka sngi wa wai paidbah kawa man leh ka sngi Diwali iwa da pynkhyrngiat ya ki paidbah neibhah kini kiwa maya Salman Khan ym em de pyrkhat ki ya kiwi boi ya em wa mynsoo deiwa thang bomkala ki hapoh yung.

Kiwa boon ki paidbah da hap ki wow yut cha kdong mar ya pdung syndet ki bomkala wei da pynphylla leh wa kammon yoh ki wow rah chiboon bha ki bomkala chapoh ka baiscope.

Iwa embhah na ini wa jia wa ym em kop diñ kani ka baiscope wei ym em leh kiwa wan chakhmat wa ong wa mynsoo ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hadien wa bna wa jia ini, neiliang u Salman da kyntu u ya ki paidbah wa lai pait ya ka phlim wym toh u leh ki iyi iyi iwa booh hei maa ya kiwi.

Ya ini iwa jia ye phi u pait heini ha wah.