Ka e sikai chna kchu khyndaw ha chnong Tyrshang, West Jaiñtia Hills District kawa chi bnai lynter wa da e sikai da ka Helme Shylla kam kawi kawa da yoh yei naam State Award yong u snem (2022-23), dapoi ko cha wakut da ka yalang saam Certificate wa ki tiar chna kchu khyndaw ha i yung e sikai næ Pottery Training Center yong ka Helme wa em ha chnong Tyrshang.
Kani ka e sikai wa chibnai lynter toh kawa haap hapoh ka Handicraft Promotion Scheme yong u snem 2023-2024 wei da em ko kamwa 20 ngut ki manbei kani ka chnong kiwa da yoh myntoi.
Ya ki certificate wa ki tiar chna kchu khyndaw da e kti cha ki 20 ngut ki manbei da u General Manager, District Commerce and Industries Centre, Jowai, u B. Warjri wa ka S.E. Kharpran, Functional Manager, DCIC, Jowai.
Ha kani ka sngi u B. Warjri da e mynsien wei kyntu kynpham haroh u ya kiwa dadep chah sikai wow maya ki yei sap, wei da pachat haroh u hajrong i emkaam u pynneh pynsah ya kam kani ka sap tynre.
Ya ka yung e sikai næ Pottery Training Center yong ka Helme Shylla da yarap kyrchaan poisa da ka Directorate of Commerce and Industries, Meghalaya Shillong kawa haap hapoh ka Handicraft Promotion Scheme 2023-24.
Discussion about this post