Jowai: Ka Land Committee ka Seiñraij Jowai ynne ka sngi da pynman ko ya thung dieñ ha ka khnap thangbru wa em ha Khimusniang, Jowai kam chibynta ka World Environment Day.
Ha ka yalang wa tbian wa pynman ha chwa wow thung dieñ, u President ka Seiñraij u O.R. Challam da ong u wa ha kani ka thaw chisien da dep thung dieñ ha u snem 2004 wei da thung leh da ki dieñ wa rap phær kiwa da heh katni.
Da ong u leh wa ha uni snem daw thung leh da ki dieñ soh ha kani ka thaw.
Chooh chooh da ong u wa ka jaitbru yong i toh nadooh nachwa da em i kular wa ka Bei Rymaw wow sumaar wow ri ya ka.
Ha kani ka sngi da pynkhreh 200 tre ki dieñ heiwa kiwa boon daw thung cha ki khloo kam ha khloo langdoh wa kiwi kiwi.
Discussion about this post