Ka lehkmen yow pdiang ya u snem thymme 2024 ha Jowai da man ko kawa phooh wa phieñ wei kawa chongchit deiwa chimbynta kiwa boon ki dong ki chnat kiwa da pynman chwa dei baam doh kut snem ha jar jiar ki chnong ki thaw kamjooh i pynkup burom ya ki khon ka chnong wa da lehbha haka puræ puthi wa kiwi de ki kaam wa bha wow rah naam yei pyrtuid ka chnong.
I pynkhreh yei baam doh toh iwa da sdang nadooh i miet ka 31 tarik iwa da pteiñ hadooh ynne i step heiwa kiwa chong chnong da pynkhreh ki ya ki baam wa bang nadooh i ta’æ, ki jhoor, ki doh wa boon jait kam i dak yow sdang ya u snem thymme deiwa hun nadooh u kpoh hadooh i mynsien.
Hadien wa pyndep yei baam doh da sdang yei lai chaad heiwa ha uni u snem hei sien wa nyngkong da wan leh wow chimbynta da ka Panaliar wow lai chaad yonglang kam ka chnong.
Neiliang ka Synjuk Waheh Chnong Jowai deiwa ya krehlang waka Tourism Officer ka West Jaiñtia Hills District da chna ki yaka rynsan ha Iawmusiang yow wan kiwa chaad yow pynyoo ki yei chongchit i lehkmen wei da saam leh cha ki da ki Memento yow sahkynmoo yeini i lehkmen snem thymme heiwa kiwa wan chaad da em ki da ki hajar ngut.
Hadien ini da pteiñ yei chaad cha kiwa boon ki bynta ka chnong Jowai wei da pynman won leh sa ki lehkmen ha jar jiar ki chnong da ki yalehke wa boon jait wei da em leh ki DJ wa tem sur.
Discussion about this post