Da ki hajar sla ka Report wa wanrah da ka Expert Committee heiyatoh wa ka Reservation Policy | Daw chimpor u puræ ka sorkar ka

Ka dhab ki Montri sorkar jylla ynne da chong bichaar ki ya ka Report kawa da e da ka Expert Committee heiyatoh wow pynbait thymme yei rukom bhah kreh wa tip kam ka Meghalaya Reservation Policy.

Hawa klam wa ki laad pathai khubor, uwa e ktien uwa man leh kam u Montri Sorkar, u Paul Lyngdoh da khana u wa ki Montri sorkar dang pait ki ya kani ka Report yong ka Expert Committee wa da khlieh da u Rtd. Justice Mool Chand Garg kam u Chairman ryngkat wa 4 ngut ki dkhot.

U Paul da khana u wa da em chiboon iwa da wanrah da e buit ha kani ka Report kawa em da ki hajar sla, wei da pynsñiaw u wa daw chimpor kattu katni por wow puræ bniah wei da rai wa hadien wa dep u leh yeini, neiliang ka sorkar daw pyrkhat ko kammon wow lai chakhmat.

Hawa kylli, da khana u wa ya kani ka Report da yoh wow pdiang ha u Naiynru uni u snem wei da em i e buit wa thymme hapoh kani ka Report deiwa pynrap wa ka sorkar dang dep wot ko u yoh ya kani ka Report wei man ko kawa jrong bha kawa em boon bha iwa da tyrwa wei hap wow puræ bniah yeini waroh.

Related posts

Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

November 2, 2025

Kynmoo tympang ka Balang Catholic Jowai yei mynsien kiwa da khlaad kam chibynta ka All Souls’ Day

November 2, 2025

Kam wow pynkynmoo wa ka Expert Committee da e kti ko ya kani ka Report ha u Chief Secretary ka jylla ha ka 6 tarik u Naiynru yow puræ bniah u ka chwa wow e kti cha ka sorkar wow wanrah ka hapoh ka yachem ka yung dorbar kawa kattæ.