Da ki hajar wan sakhi ki paidbah ya ka sngi laitlooid ha Jowai

Jowai: Ka lehwarom ya ka sngi laitlooid wa 70 yong kari India da lehkmen hey pyrdi i wan paitke ki piadbah kiwa boon kiwa da wan da ki hajar yow sakhi yei kynmoo warom ya ka sngi wa kyrpang yong ka ri.

Ya ka lehwarom wa da pynman ha Madan Jrisaleiñ Jowai heiwa da wan pynhær ya ka lama ka ri da u Deputy Chief Minister ka jylla u Dr. R.C. Laloo uwa da chim leh ya ka Rashtriya Salute ya kiwa chimbynta ha ka March Past kiwa da em hadooh 32 dhab wa kynthup ya ka District Police Force, Home Guard, ki dkhot ka NCC kiwa na Thomas Jones College wa na Government Girls’ HSS, ki Scout & Guides deilang wa 27 tylli ki skur hey yah khmat u Parade Commander, Dy. SP u M.B. Marak.

U Dr. R.C. Laloo hey klam yong oo da pynkynmoo u ya ki paidbah yei wa da dep leh ka sorkar ha i chisnem wa da dep nadooh i wanrah yasuk wa ka ANVC, i em bynta ka Meghalaya ha ka South Asian Games ha uni u snem, ki aiñ thymme wa da pynmih ka sorkar hey yatoh wa ka leh Benami deiwa pynmih ya ka aiñ “The Meghalaya Benami Transaction (Prohibition) Amendment Act, 2016” wa kiwi kiwa de.

Da saam leh ya ki Work Order cha ki 7 tylli ki VEC hapoh ka MGNREGA wa kynthup ya k Mookyniang, Mupliang, Kremlabit, Palongingkhaw, Umlangshor, Khonglah wa Raliang.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka sngi ha ka March Past da jied ya ka Q.C. Springside English Secondary School kam kawa yoh nyngkong, wa ar ka NCC ka Thomas Jones Synod College wa le won da yoh da ka Jaiñtia Secondary School.

Da saam leh ya ki khusnaam cha kiwa jop ha ka yakop Quiz wa Debate kiwa da pynman ha ka 10 wa 11 tarik uni u bnai.

Yow pynphooh pynphieñ ya ka kani ka sngi da em leh ki rwai ki Chaad tynre wa ki rwai maya ri na ki dong waphær waphær ka Jowai wa na ki skur ka District.

Ha ka Cultural Event da pynbna leh ya kiwa jop heiwa da man nyngkong da ka Thomas Jones Synod College, yei naam wa ar da rah da ki ar skur kitæ ka Tpep Pale Secondary School wa ka Mother Elizabeth Shool For Visually Impaired, katwa yei naam wa le won da jop da ka Biate Cultural Organisation.

Ynne ka sngi da yoh leh u sakhi ya kiwa yachim bynta nadooh ki khynnah skur, ki NCC wa kiwi kiwi, wa khai tlot ki neidaw wa lahep.