Ka KSU Moodymmai Unit hapoh i yahkhmat u Binos Syngkon, President deiwa emlang ki dkhot. Hei miet ka 5 tarik uni u bnai da yoh ki wow lai e yarap da ki kot skur, ki khulom wa kiwi kiwi wa emkaam cha kawi naki skur miet kawa em hapoh ka chnong Moodymmai kam chibynta wow yarap pynstiñ yei yukit kani ka skur.
Kani ka skur miet toh kawa da seiñ da ka Seiñ Manbei yong kani ka chnong nadooh u snem 2009 kam chibynta wow yarap yaki khynnah ki wym yoh laad de wow pteiñ yei puræ puthi yong ki khamtam ya kitu kiwa duna i yoh i kot.
Ha katai ka sngi neiliang yong ka Seiñ Manbei da e yaroh ko ya ka KSU Moodymmai Unit kawa da smat wow pait lang yei eh yong kani ka skur deiwa wan e yarap wow pynbiang lang ya iwa emkaam ha kani ka skur.
Ha katai ka sngi da emlang leh u Secretary yong ka Dorbar Chnong kam wow e mynsien ya ini i lai e yarap.
