Shillong: Kam chibynta yong ka lyngkhooh snem wa 41 ka Khasi Students’ Union (KSU) kawa haap ha ka 20 Wisu 2019, ka KSU-Mawprem Circle da e sñiawbha ko da ki kot-thoh (copy) cha ki khynnah wa wan na ki manyung wa dooh ha ka thaiñ Mawprem.
Ya ini i saam kot-thoh da pynman ha ka Community Hall ka Dorbar Shnong Mawprem heipor 5:00 waje i janmiet heiwa da e yarap hadooh kamwa 600 ngut ki khynnah na ki manyung BPL wa AAY kiwa sah ha ki thaaiñ Mawprem, Dymmiew wa Mawbah.
Chwa wow ekti ya ki kot da em ka yalang heiwa u Shemphang L. Mawphlang (Vice President, KSU CEC) da man u kam u kongsan, ya kawa da pynlai da u Badonkupar Nongbri (President, KSU Mawprem Unit), da yoh yei klam na u Arristone Thabah (Vice President, KSU Mawprem CIrcle), u Raplangki Dhar (Education Secretary, KSU Mawprem Unit), u Donald V. Thabah (General Secretary, KSU CEC), wa u Shemphang L. Mawphlang.
Ha kani ka sngi da emlang leh u Biangbor Paliar (Organising Secretary, KSU CEC), u Manly Nongpluh (Finance Secretary, KSU CEC), u Laitphar Syngkrem (Publicity Secretary, KSU Jaiñtia Hills District Unit), u Dusterwell Kharlyngdoh (Organising Secretary, KSU South West Khasi Hills District Unit), u Mekenson Marbaniang Executive Member, KSU Mawlai Circle), u Badonbok Malngiang (Sports Secretary, KSU Mawlai Circle) wa u Wanstep Dkhar (President, KSU Mawlai Nonglum Unit).
I thmu hi yong kani ka saam kot thoh cha ki khynnah toh wow e mynsien ya ki khynnah wa wan na ki manyung wa dooh kiwa thrang wow pteiñ yei angnood yong ki wow lai chakhmat.
Discussion about this post