Da ki kymmor e sñiawbha ka HNYF cha ki manyung wa dooh ki le chnong

Jowai: Ka seiñ HNYF-CB waka HNYF-Nartiang Circle ynne ka sngi kam chibynta wow lehkmen ya ka Christmas da lai e sñiawbha ki da ki kymmor cha ki le tylli ki chnong.

Kini ki le tylli ki chnong kynthup ki ya ka Tamu, Pdieniawmusiang wa ka Ryngkyrtieñ wei da saam da ki kymmor cha kiwa em i duna dkhot ha i met i pran, ki tymmen, ki khonswet wa kiwa dooh wa duk.

Da saam waroh kamwa 200 tylli ki kymmor hapoh i yahkhmat u Donbok Dkhar Office Secretary-CB.