Kam chibynta i lehkmen Christmas, neiliang u C. Phawa, u H. Sungoh deilang wa ki paralok ki wa u Dawan Lyngdoh, MDC da wan ki wow e sñiawbha da ki kymmor cha ki paidbah wa chong chnong ka chnong Thangrong kawa em ha khappood wa ki Karbi.
Ha chwa wow e ya kini ki kymmor da em ka yalang wa tbian heiwa da pdiang sñiawbha ya ki da u Chairman chnong, u Kwit Khyrwang deiwa emlang ki waheh, ki manbei wa ki khynnah khian.
Neiliang u P. Shadap, u S. Phawa, u L. Sungoh wa u MDC hawa e yei klam da ong ki wa ya ini da leh kam ka dak lehkmen Christmas wei wow pdiang ki yeini i e yarap wa khian yong ki kam ki paradoh para snaam kiwa sah cha thaaiñ khappood kiwa da maad chiboon i eh hawa im ki man-ka-sngi, kamtæ da chim ya kani ka luti wow lehkmen wa ki.
U Dawan Lyngdoh da e mynsien u ya kini ki paradoh para snaam kiwa em cha kani ka thaaiñ wow man kiwa sian wa kiwa yatylli ha kiwon kiwon ki kaam.
Da yoh leh yei duwai na u W. War chwa wow pynman yei e sñiawbha da kini ki chi lok.
Discussion about this post