Jowai : Ka Balang Presbyterian Iooksi da pynyoo ko yei mynsien Christmas deiwa saam ya ki kymmorwa em 12 tylli cha kiwa dooh wa duk ka chnong Iooksi ha kani ka 22 tarik.
Ha ka yalang wa pyllai da ka Mission Worker ka Iooksi ka kong Intina Madur da yoh yei klam tbian na u Tb. H. Manar, u F. Syrti wa u Emlangmi Sapuh.
U ma Emlangmi da ong u wa da leh yeini toh yow bood ya i sikai u Jisu katkam ka Gospel u Mathaios 5:7 iwa ong wa suk kiwa em mynsien wyrai neibhah daw wyrai leh ya i.
Da ong u leh wa u blai da e u ya i da u Jisu Khrist kamtæ i leh toh u em i ya i mynsien wow yarap ya kiwi kam ka dak wa i ngait i ya u blai. Da kyntu u leh ya waroh wow pynchlur wei wow e mynsien ya ki Mission Worker wei da pynkut u deiwa ong wow man ki bru wa sbun ym toh u chong ko ha ka spah tangwa chong ko ha i mynsien wei waroh ki seiñ wa ki bru samen ye ki u leh yeini lada em ki ya i mynsien wa sbun.
Ha kani ka yalang da em leh u chairman ka Jingiaseng Samla u Deimon Sumer, u secretary u Daplang Iakai wa secretary ka Jingiaseng Kynthei Balang Iooksi ka Rubi Tyngkan.
Da pynkut ya ka yalang da i ngoohblai wa i kyrkhu kyrdooh na u F. Syrti.
Discussion about this post