Ka Indian Red Cross Society, West Jaiñtia Hills da pynman ko yei saam mynkna ya ki kymmor cha ki kattu katni ki manyung heiwa yeini i kaam da pyndep da ki Life Member yong kani ka seiñ wa em ha ki chnong ki thaw waphær waphær.
Neiliang u Oriland Shylla, Life Member IRCS, West Jaiñtia Hills da khana u wa da leh yeini ha ka thong yong ka “Distribution of Humanitarian Aid” heiwa ha oo da e 10 tylli ki kymmor wow saam u cha ki manyung wa dooh wa duk wa em ka chnong wa sah u ha Chilliangraij.
Ha ka yalang wa tbian wa da pynman ha ka 6 tarik uni u bnai ha yung krehkaam ka Dorbar Chnong Chilliangraij, Jowai chwa wow e kti ya ki kymmor cha ki manyung dooh wa duk wa man kam ki BPL, da batai u chaphang ka Indian Red Cross Society kam kawi na ki seiñ wa em ha chityllup ka pyrthai wa yieñ wow e i chakri cha ki paidbah ha ki dur ki rukom waphær waphær khamtam hawa em i jia wym poi pyrkhat (Calamities & Accidents) wei da kyrsu kyntu u leh ya ki bru wa chong chnong wow embyntalang wa kani ka seiñ.
Ya kani ka yalang da pynman dei emlang ki dkhot ka Chilliangraij Dorbar Chnong wa kynthup yow Cheini Niangti, Convener Auditorial Board wa u Heisar Shylla, Asst. General Secretary Chilliangraij Dorbar Chnong, Jowai.
Discussion about this post