Jowai: Ka seiñ Jaiñtia Hills Cement Manufactures Association (JHCMA) lyngba i kreh chitom kiwa pynlai chnong hapoh i yahkhmat u Danny Shadap kam u waheh chnong, ynne ka sngi da saam paidbah ki da ki kymmor cha kiwa chong chnong ka chnong Mowkyndeng West Jaiñtia Hills District wa haap hapoh ka Laskeiñ C&RD Block.
Ya kini ki kymmor da saam cha ki 154 tylli ki manyung wa dooh wa duk wei na pyrdi ki 200 tam ki manyung wa haap haka kyrdan BPL da jied wow e chwa cha kitu wa rap yoo emkaam u yoh chwa ki.
Chwa wow saam ya ki kymmor da em ka yalang wa pynlai da u waheh chnong, u Danny Shadap, i klam pdiang na u Secretary u Joshwa Syngkon, hei emlang ki dkhot ka seiñ Jaiñtia Hills Cement Manufactures Association (JHCMA) wa kynthup u Sodhi naka TomCem Cement, u Jogi Agarwal naka Max Cement, u S. Banarjee naka Star Cement, u Fopal Bhowmic naka Taj Cement, u Abijil Paul naka Dalmia Cement, u D.Joti naka Amrit Cement wa kiwi natlor u paidbah wa boon.
Neiliang kini ki bru wa wan mihkhmat naki karkhana khyndawbilat waphær waphær pynsñiaw ki yei mynsien wa kmen wow yoh wan yooh kjat ha kani ka chnong, neitæ lyngba i yoh ki u sakhi yei chaad tynre ki khon khyllood ka chnong ong ki, “Ye u ong wym man phi kiwa mahajon deiwa em ya ka poisa namo ye u ong wym em phi ka poisa yow mahajon, tangwa i em won phi ya ki riti dustur pynman ko ya phi wow rap mahajon chooh chooh”.
Kamtæ yooluti ki wa kani ka chnong u nang ku ko hei kaam wa bha neipor cheipor, wei yoluti ki neini chakhmat leh u nang ye chooh chooh ki u e yarap u pynkmen ya ki paidbah.
Neiliang ka dorbar chnong kam ka dak i sñiaw burom ya kini ki bru wa wan mihkhmat naka seiñ JHCMA da e sñiawbha ki chaki da ki tiar.
Discussion about this post