Kam ka dak wow pynneh ya i rukom riam tynre, neiliang ka seiñ HNYF Pdieniadaw-Sanaro Unit ynne ka sngi da e yarap ko da ki kyrchah cha ki manbei wa da heh rta kamjooh leh cha ki khynnah wa tymbuiñ duna ha i doh i pran.
Ya ini i e yarap da leh hapoh i yahkhmat u President ka seiñ, u Rejai Talang wa u Secretary ka seiñ, u Niai Syntem wa kiwi ki dkhot.
Da saam ya kini ki kyrchah cha ki manbei yong ki kyntoit wa ki dong hapoh u pood krehkaam ka Pdieniadaw-Sanaro Unit.
Ha waroh da em 150 ngut ki manbei wa da yoh myntoi na ini i e yarap ka seiñ.
