Ka chnat Information Technology & Communication (IT & C) Department, Meghalaya ynne ka sngi da saam ko da ki Laptop cha kiwa da lehbha ha ka Class 10 wa 12 Board Exam ka MBOSE, CBSE, ICSE wa ISC ha ka yalang wa pynman ha Yojana Bhavan Auditorium, Shillong.
Ha kani ka yalang pynkup burom da emlang da u Montri ka chnat Information Technology & Communication, u Hamletson Dohling kam u kongsan.
U Montri hawa e yei klam yong oo da yaroh u yei kreh chitom yong ki khynnah wow pynkhreh ya ka Exam deiwa e khublei leh ya ki bei ki pa kamjooh kiwa sikai kiwa pyntikna wa ki khon yong ki poi ki cha ka thong wei man ko leh i sarong ya ka sorkar wow yoo ya ki khon khynroo wa khyllood kiwa ye wow yaleh ha kani ka pyrthai yakob.
U Dohling da kyntu u leh ya ki khynnah wow rah ya kani ka thong wa da poi ki katni rap chakhmat deiwa kreh chitom chooh chooh yow man ki kam kiwa chong chnong wa kordor ka jylla wa ka ri.
Kiwi de kiwa da emlang ha kani ka sngi toh u M.R. Synrem, Commissioner & Secretary, Information Technology & Communication Department wa u K. L. Nongbri, Director, Directorate of IT & Communication.
