Ha ini i por wa em i khoom i kdoh ya ki bru neidaw wa em ka khlam COVID-19, boon ki manyung da chem chitom ki neidaw wym yoh de ki wow lai li khih li kreh kamwa jooh ha ki por wa dadep iwa da booh ya ki ha i eh i khoo wow pyndap yeiwa emkaam ha ki yung ki sem yong ki.
Kam ha ini i por da mih ki kattu katni ki khon ka Dorbar Chnong Dulong, Jowai ynne ka sngi wow e sñiawbha katwa joh i bor yong ki wow e ya ki marbaam cha ki 102 tylli ki manyung ka chnong kiwa emkaam hok ya i yarap ha kini ki por.
Ya kini ki mar baam da saam hapoh i yahkhmat u waheh chnong, u Sienwanmiki Bareh wa u Secretary ka chnong, u Kitlang Lato.
Neiliang ka dorbar chnong da e khublei ko ya ki khon ka chnong kiwa da wan chaphrang wow e kyllooid mynsien neibynta ki manyung kiwa emkaam yarap ha kini ki por.
