Ki artylli ki seiñbhalang na Ri-loom Jaiñtia ka All Hynniewtrep People United Front (AHPUF) wa ka Jaiñtia Women Awakening Movement (JWAM) da saam marbaam ki ya ki sanphaw tylli ki manyung kiwa em hei dooh hei duk kiwa chong wa sah haki dong ki chnat yong ka sor Jowai.
Ya kini ki mar baam wa kynthup ya u khoo i phñiang chet wa ki jhoor da saam ha Mihmyntdu, Moowamon ha ka 12 tarik uni u bnai.
Ha chwa wow e ya kini ki mar baam da e yei klam iwa tbian na u Secretary ka seiñ AHPUF u Chandame Sungoh wa ka President ka seiñ ka R. Shylla.
Neiliang u Secretary da ong u wa kani man ko ka sien kawa ar wada yoh ko u e yarap yaki bru kiwa dooh wa duk nadooh wa em kani ka khang chnong ha uni u bnai wei ka seiñ da yaleh ko u e yarap kylliang kam ha ini i por.
Ka President yong ka seiñ JWAM da ong ko wa neiliang yong ki dap ki dei sñiawngooh yow Blai wa e u ya ki kam kani ka laad wow yoh u yarap ya ki para bru kiwa em hei dooh hei kut laad. Da ong ko leh neini chakhmat ka seiñ daw pyrchang chooh chooh ko wow leh ya ki kaam wa bha neibynta ka ri waka jaitbru.
Neiliang kiwa yoh yeini i yarap leh da e ki i sñiawngooh ya kini ki ar seiñ neibynta ini i leh bha yong ki.
