Ka FKJGP Nartiang Area Unit ynne ka 15 tarik hei yahkhmat u Secretary u Wednesday Dkhar wa u Ohiwot Myria, Assistant Information Secretary yong ka Thadlaskein Block Circle, da lai ki wow e yarap da ki marbaam cha ki 98 tylli ki manyung kiwa duna ha i yoh i kot ha ki 2 tylli ki chnong kitæ ha Nartiang wa Moodop.
Ha kani ka sngi da ya emlang leh kiwa yahkhmat chnong nadooh u waheh chnong ka Moodop u Dawyo Dkhar, u Chairman chnong u Hamkom Khynriam wei kamjooh leh u waheh chnong yong ka Nartiang u Mom Phalangki, u Secretary chnong u Sati Swer wa u Secretary ka VEC u Abipaia Bareh.
Neiliang kiwa yahkhmat yong waroh ar tylli kini ki chnong da pynsñiaw ki yei sñiawngooh wa khroo yaka seiñ wa da wan ki wow yarap ya kiwa chong chnong ha kam kini ki por wa jynjar wa chah ktah ha ka khlam COVID-19 heiwa ki paidbah ym yoh de ki wow lai khih lai kreh.
Kamtæ ka seiñ da e ko ya ki kti yarap timun wa tidiang cha kini ki manyung neidaw wa pteiñ ka sorkar wow khangsbak wow yakhun yei poor smat u khñiang khlam COVID-19. Kamtæ ki paidbah da wan ki wow pdiang ya ki marbaam wa da e sñiawbha da ka seiñ.
