Kam chibynta wow yarap u pynstiñ yei khia ki paradoh parasnam kiwa da maad yei eh khamtam nadooh wa ka jylla yong i da chah ktah ko ka khlam COVID-19. Ynne ka 22 tarik, ka Khasi Students’ Union Upper Shillong Circle da e yarap ko cha ki 45 tylli ki manyung yong ka chnong Nongkseh da ki marbaam kam u khoo, dai, umphniang wa kiwi kiwi.
Kam wow kdaw heini, ka chnong Nongkseh da man ko ka chnong wa da chah pynngat kam ka Containment Area heiwa kiwa chong chnong da hap ki wow chong kset ya idæ yow yada na i poor u khñiang COVID-19.
Ha kani ka sngi neiliang ki Volunteer yong ka chnong da pynsñiaw ki yei sñiawngooh wei e khublei ki ya ka seiñ kawa jooh smat wow e yarap hawa chem yei eh wei da e ki leh yei kyrkhu kyrdoh wa ki dkhot ka seiñ u nang chait nang khlan ki yow nang ye ki u kreh neibynta i bha i miat ki para ri wa ka jaitbru hi waroh kawi.
