Ka seiñ Orphan Children Foundation (OFC) ha ka 29 tarik u Naisaphra hapoh i yahkhmat u General Secretary, u E. Dkhar da yoh ki wow pteiñ wow lai e yarap da ki marbaam wa ki kymmor cha ki khynnah khonswet wei ha kani ka kynti won ha chnong Pamrapaithlu, East Jaiñtia Hills deiwa emlang kiwa ha-yung ha-sem kini ki khynnah khonswet.
Neiliang kiwa ha-yung kini ki khynnah da e khublei ki ya kiwa yahkhmat ka Children Foundation wa da em ki yei mynsien wow yarap ya ki khynnah khonswet
Ha kani ka sngi da emlang leh uwa seiñ ya ka OCF, u L. Dkhar uwa da ong wa ka Foundation smat ko wow lai e yarap ya ki khonswet kiwa emkaam yei yarap khamtam cha kitu ki manyung mansem wa dooh wa duk wei da ong u leh wa dang em chiboon ki khynnah khonswet khamtam ha East Jaiñtia kamtæ da kyrpaad leh ya kiwa chong chnong wow ya krehlang wa kani ka Foundation khnang wow ye u leh chiboon ki kaam wa bha neibynta ki khynnah khonswet kiwa em hapoh ka District.
Da pyntip u leh wa ki Volunteer yong ka Orphan Children Foundation daw lai thooh ki heiwon em kini ki khonswet wei iyi i eh wa maad ki khnang wow ye u pynpoi yei yarap.
Discussion about this post