U Montri ka chnat Animal Husbandry & Veterinary, u Sanbor Shullai hapoh ka yung dorbar ynne ka sngi da pyntip u wa yow pynkylla dur wei wow pynkhlan yei psan masi hapoh ka jylla, neiliang ka chnat da pyrchang ko deiwa wanrah ya 6 tylli ki masi wa tip kam ki Ongole Bulls wei da booh ya ki ha ka Integrated Cattle Development Project (ICDP) wa em ha Upper Shillong yow tip hadooh katwon ye ki wow im hei rukom man ka suiñ bneiñ cha i.
Da pyntip u wa kini ki masi da man ki kiwa chait wa khiah ha ini i pyrchang ka chnat wow psan ki wei kini ki jait masi toh kiwa smat u heh u san wei da poi i khia ki hadooh 400 Kg du hapoh kattu katni donhi i por.
Kamtæ da wanrah 2000 tylli ki Ongole Bull Semen Straw na Andhra Pradesh yow pyn punkhon yaki masi wa da em cha i yow pynboon yei em ki masi.
Da pyntip u leh wa ka ri Brazil deiwa pynemkaam da kini ki jooh ki jait masi Ongole da ye wow pynku yei boon ki masi hadooh wa katni da man ko kam ka ri wa khlan dooh wow pynmih doh masi hapoh ka pyrthai.
Chooh chooh da pyntip u wa ka chnat leh daw wanrah ko sa 5000 tylli ki Ongole Bull Semen Straw yow pynboon ya ki jait masi hapoh ka jylla kamjooh leh wa kiwi de ki jait masi yow ye u pyndap yeiwa emkaam doh masi hapoh ka jylla hapoh i por wa tbian.
Da khana u leh wa ka sorkar u pynlut ko T. 2 klur yow pynchlur wow leh da ka Artificial Insemination namo wow pyn punkhon ya ki masi dei stat u bru ha ki 2 lak tylli ki masi iwa daw pynku ko ya iwa em na 9.5 lak tylli katkam wa chim yukheiñ (Livestock Census) ha u 2019 tylli cha 15 lak tylli ha i por wa tbian yow ye u pyndap yeiwa emkaam hapoh ka jylla.
