U Chief Electoral Officer ka Meghalaya, u F.R. Kharkongor da pyntip u wa ka Election Commission da rai ko wow e da ki Medal wa ki Certificate cha kitu kiwa thap Vote hei sien nyngkong kiwa dang dep dap 18 snem wei kamjooh ya ki 5 ngut kiwa smat dooh wow wan thap Vote ha kawi pa kawi ka Polling Station ka Meghalaya kam chibynta wow pynchlur yow mih boon kiwa thap Vote.
Ha uni u snem kiwa thap Vote da em ki 21,61,729 ngut katwa ha u 2018 da em ki 18,31,487 ngut.
Ha uni u snem kiwa thap Vote kiwa man kam ki chynrang da em ki 10,68,801 ngut katwa ki kynthai won 10,92,326. Ha u 2018 ki chynrang da em ki 9,07,223 ngut wa 9,24,264 ngut won ki kynthai.
Kam chibynta wow pynchlur ya ki bru wow mih ki rap boon da pynkhreh ya kiwa tem wa rwai hapoh ka phang ‘My Vote My Valentine’ ha ki 300 tylli ki Polling Station kiwa rap duna wa mih kiwa thap Vote.
Da pyntip u leh daw em 120 tylli ki Polling Station kiwa daw booh ha kylleiñ ka jylla.
