Wow pynkhreh ya i yakhun pyrchah yei wan hiar thma ki puitsaru (Locust), ka Ministry of Agriculture da soi soskular ko wa ka karkhana M/s Micron, UK wow chna pynwandur ya ar tylli ki lieñsuiñ niangkachiah Mi-17 Helicopter wow siat dawai pyrchah ya kini ki khñiang puitsaru (Locust).
Neidaw wa em ka khlam u COVID-19, kani ka karkhana u ye ko wow chna wei wow phah ya ki tiar wa emkaam cha ka Indian Air Force (IAF) du hadien u Naikhynde 2020.
Neidaw ini i pynslem, neiliang ka IAF da phah ko ya ka No. 3 Base Repair Depot kawa em ha Chandigarh wow chimkti yeini i kaam neibhah wa man i iwa emkaam jhan wow chna ya ki Airborne Locust Control System (ALCS) ha ki Mi-17 Helicopter.
Deiwa pynemkaam ya ki buit da ye wow chna ya ki thaw siat dawai ha kini ki Mi-17 Helicopter wei kawi ka Helicopter ye ko wow siat hadooh 800 liter i dawai hapoh 40 minit wei ye wow siat hadooh 750 Hectare i thaw chisien hær.
Neiliang ki Test Pilot wa Test Engineer ka Aircraft and Systems Testing Establishment, Bangalore da ye ki wow pyrchang pynemkaam ya ka Mi-17 Helicopter wa da chna pynwandur neibynta ini i kaam.
