Ynne ka sngi ka Dorbar ki Dolloi ka Ri-Jaiñtia hapoh i yahkhmat u Chairman yong ka, u Dolloi ka Elaka Raliang da hiar ki cha chnong Mukroh wow pynsñiawlem yaka chnong wa ki yung kiwa da dooh yei mynsien ha ini i jia.
Ya ka yalang da pynman ha Madan Mucher heiwa ki Dolloi da yaklam ki waki waheh kani ka chnong.
Ha kani ka sngi da yoh i klam na uwi na ki waheh ka chnong ka Mukroh, u K. Lamin, uwa da kyrpaad yaki Dolloi ya i daw wa sah umdoom ki paidbah heiyatoh wa ki kot ki sla ha JHADC lada man i wow pynkylla pyrtuid ya ki patta na ka bei cha ka khon chimpor i da ki phaw snem.
Da e nongmuna u leh wa ki kot wa da pyndap nadooh u 2017-18 du wow pynkylla pyrtuid donhi da chimphor i dei yong snem.
Chooh chooh da ong u wa jia i kaam hadooh kat deini toh nei tlot i krehkaam ka JHADC.
Heijooh i por da kyntu u ya ki Dolloi wow leh iyi re iyi yei kheiñstiñ ware ka JHADC wow lai liar lai proh ya u pood u ang nadooh u 2003.
