Ka Joint Action Committee on Border Issue ynne da dawa ki na ka DGP ka jylla wow booh pura (Permanently) da ki pulit Special Force-10 (SF-10) ha chnong Lapangap yow pyntikna yei man chngaaiñ kiwa chong chnong khamtam ha kini ki por thung por rep.
Kani ka Committee wa kyntuplang wa ka Synjuk Ki Waheh Chnong Ri Jaiñtia da ong ko wa da emkaam wow booh da ki pulit ka SF-10 hadien wa yoo yei leh embor ka Karbi Anglong Autonomous Council (KAAC) wow pynwit pynthut yei kaam rep kiwa chong chnong ka Lapangap.
Da ong leh wa ka KAAC deiwa yoh yei kyrchaan ki pulit ka Assam dei langær da pyndik ki ya kiwa chong chnong ka Lapangap deilang kiwi kiwa em chajan hadooh wa lai rep ki, kamtæ da emkaam wow em kiwa yada ki nadooh i step hadooh wa miet.
Kamtæ deiwa em ki SF-10 daw ye wow pynlait na ini waroh i chah pyntieñ pynsmiej ya kiwa chong chnong ka Lapangap yow sñiaw skem ki wow lai cha ki lyngkha, ki thaw rep wei wow lait leh u joor i kynaad.
Discussion about this post