U Chief Minister ka jylla Manipur u N Biren Singh da pynlait u T. 12,36,000 naka Chief Minister’s COVID-19 Relief Fund kam ka bai rel Shramik Special Train ka wow mih na Chennai yow lai cha Jiribam, Manipur hei dor T. 1030 samen wei waroh da em 1,200 ngut ki wow lai da kani ka rel.
Kani ka rel toh ka wow mih ynne ka sngi wei manda poi ki ha Jiribam daw pynbiang won da ki Bus wow kit yaki cha Imphal.
U Biren da pyntip u wa da dep pynbait sa 2 tylli ki rel wow wanrah biang yaki nong Manipur, kawi toh na Punjab ka wow mih haka 12 tarik wa kawi na Bengaluru haka 14 tarik.
I pynbait yaki Bus wow kit ya kini wa liwan daka rel yow kit yaki na Jiribam hadooh Imphal toh iwa da ya pynbait waki Transporter Drivers Council (TDC) ynnin ka sngi kiwa da mynjur wow pynduna yaka bai kari naka T. 26,000 cha ka T. 21,000, wei du ka bai Bus kiwa da em 50 tylli da poi ko T. 10,50,000.
Kini ki Bus kiwa hoi u chong 41 ngut tangwa daw pynchong 21 ngut ha kawi ka Bus deiwa bood yaki kyndon Social Distancing.
Discussion about this post