Da ki RFID u pyndait heipor phet wa da ka OMR Sheet heipor Exam yow khooid i rukom psiah kaam pulit

Jowai: Kamwa 500 ngut ki khynnah khynroo khyllood ka chnong Jowai da yoh myntoi ki na i e sikai ki pulit na ka ophis u SP ka West Jaiñtia Hills District yow pynkhreh ya ki heipor wa yaleh kreh pulit ki hapoh ka jylla Meghalaya.

Ya kani ka e sikai da tip kam ka Orientation Programme on Meghalaya Police Central Recruitment Board wei da pynman ya ka hapoh ka Chief Minister’s Career Guidance and Counselling Scheme.

Ynne ka sngi toh ka sngi khaddooh wa da leh ya kani ka Orientation Programme ka wa da dep pynman leh ha Nartiang, Amlarem, Raliang wa ha Dawki.

I thmu wa kongsan dooh toh wow e ki buid ki budia cha kiwa em i thmu wow krehkaam pulit nadooh i riam heipor wa leh ya ka Personal Interview, ki kot ki sla wow pynkhreh, ki i baam i dih wa toh u baam ki wa kiwi kiwi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha kani ka sngi da leh ya ka Mock Interview yow sñiawthooh kiwa boon heiwa kammon u jubab ya ki phang wa kylli heiwa boon da yoh myntoi bha ki na kani.

Ka kong Crescency W Lyngdoh MPS ka wa dang dep yoh kreh pulit da khana yei rukom pynkhreh yong ka hadooh wa yoh ko ya i kaam pulit.

Kiwi de kiwa da batai bniah cha kiwa em ha kani ka sngi toh u R. Muthu, SP; u S. Syrti, Addl SP; ka I. Kharpran, SI; wa u Ivan B. Deingdoh.

Ha kani ka kynti u pyrchang leh u pynman ya i thung kreh iwa khooid heiwa heipor wa pynphet daw pyndaiñ ya ka Radio Frequency Identification (RFID) ha kjat kiwa phet yow pynsakhiat wa ye ki u pyndep katkam i por wa da booh wei ya ka Written Exam u leh ha ki kot OMR Sheets yow lait iwon iwon i yachah chiliang heipor wa e marks.

Neiliang ki pulit da kitbok kit nasib ki ya waroh ki wa daw yaleh ya ki kreh pulit yow poi ki cha ka thong wa thmu ki.