Jowai: Ka Jaiñtia Youth Development Society (JYDS), ynne ka sngi da e sñiawbha ko da ki riam yaleh bol namo ki Football Jersey ya ka Seng Samla Balang Katholik Mooshrot Sports Club.
Ha chwa wow saam ya kini ki Jersey da em ka yalang wa pynlai da u Chairman ka Society u Pyndap Shadap, wei ha ki ktien maitphang da khana u yaka angnood yong ka Society wa ki kaam wa bha wa ka Society angnood ko wow leh deiwa em i kitkhleih wa i khooid i suba.
U Kmenlang Ki Dhar uwa man leh u General Secretary ka Society da ong u wa ka Society kreh chitom ko wow chakri ya kiwa dooh wa duk wei da kyntu u yaka Seng Samla Balang Kotholik Mooshrot Sports Club wow kreh chitom ko yow nang ku ko chakhmat ha ki liang waroh.
U General Secretary ka Seng Samla Balang Katholik Mooshrot Sports Club u Lio John Lathong hawa e yei klam da pynsñiaw u yei sñiawngooh u ya u Blai, wa e u ya kam kini kiwa yahkhmat wa kyllooid mynsien wow yarap ya ki khynroo ka Sports Club.
Neiliang yong u Damanleki Lathong u President yong ka Society hawa e yei klam da ong u wa ini toh du ki kaam wa khian tam tangwa emkaam yaka dohnood wa i mynsien yarap kylliang, deiwa ong leh wa im i ha kani ka pyrthai du chipor wei man ko ka kamram yong i wow yarap yaki khynroo khyllood wow man ki kiwa minot wa em i mynsien wow yaleh lada ha kiwon kiwon ki kaam ym du haka kaam Sport.
Discussion about this post