Ka kyndon aiñ Section 23C ka Mines and Minerals (Development and Regulation) Act (MMDR Act) 1957, da e bor ko ya ki sorkar jylla wow chna ya ki kyndon aiñ yow khang ya ki kaam tih mar pohkhyndaw wa man pyrchah ya ka aiñ, kamjooh leh yei kit wa i pynlang. Kamtæ i pait yei tih mar pohkhyndaw wa man pyrchah aiñ toh chong ko ha ki sorkar jylla.
Ka aiñ MMDR Act yow khang yei tih mar pohkhyndaw pyrchah ya ka aiñ da pynkylla ya ka ha u 2015 heiwa ki kuna hapoh ka Section 4(1) wa 4(1A) ka aiñ da pynku naka T. 25,000 chi Hectare cha ka T. 5 lak chi Hectare wei i kset patok da pynku naka 2 snem cha ka 5 snem. Chooh chooh hapoh ka Section 30B kani ka aiñ da chah leh wow sdang ya ki Special Court da ki sorkar jylla yow bichaar smat ya ki kaam tih pyrchah aiñ, i chalan, i kit wa i pynlang ya ki mar pohkhyndaw wei ka kyndon 30C kani ka aiñ u tipmit ko ya kini ki Special Court wow man ki kam ki Session Court.
Ka Rule 45 ka Mineral Conservation and Development Rules, (MCDR) 2017 da phah ko ya waroh kiwa tih mar pohkhyndaw, kiwa khayi, kiwa pynlang (Stockist), kiwa chlan (Exporter) wa kiwa pynemkaam ya kini ki mar pohkhyndaw wow pyntipmit namo u Register ki waka Indian Bureau of Mines wei wow phah ya ki Online Returns heiyatoh wa katwon wa pynmih mar pohkhyndaw, iwa da khayi wa kiwa da pynemkaam cha ka sorkar jylla waka Indian Bureau of Mines.
Ka Ministry of Mines, lyngba ka Indian Bureau of Mines da sdang ko leh ya ka Mining Surveillance System (MSS) deiwa pynemkaam da ka Space Technology yow chem yei tih mar pohkhyndaw pyrchah ya ka aiñ yow pyntip cha ki sorkar jylla yow leh ki yeiwa emkaam. Ka Mining Surveillance System (MSS) toh kawa da pynemkaam da ki Satellite kiwa em ha ka haw-haw kiwa chondur yow pyntikna wym em tih cha baar i thaw wa da e bor.
Heiyatoh wow bood ya ka Section 23(C) ka aiñ, da em 21 tylli ki sorkar jylla kiwa da chna kyndon yow khang yei tih mar pohkhyndaw pyrchah ya ka aiñ.
Da em leh 22 tylli ki sorkar jylla kiwa da sdang ya ki Task Force yow pait yei tih mar pohkhyndaw wa man pyrchah ya ka aiñ hapoh ka jylla wa ha ki District.
Chooh chooh ya u moo uwa da kheiñ kam u Minor Mineral hapoh ka Section 3(e) ka Mines and Minerals (Development & Regulation) Act, 1957 (MMDR Act). Ka Section 15 ka aiñ MMDR Act da e bor ko ya ki sorkar jylla wow chna kyndon yow e ya ki Quarry Lease, ki Mining Leases wa kiwi ki Mineral Concessions heiyatoh wa ki Minor Mineral. Kamtæ i pait ya ki Minor Mineral kiwa kynthup ya u moo, u chyiap wa kiwi kam kini chong ko ya ki sorkar jylla.
Ya ini da pyntip da u Union Minister of Coal, Mines and Parliamentary Affairs, u Pralhad Joshi hapoh ka Rajya Sabha ha ka 28 tarik uni u bnai.
