Da ki Scooty wa ka poisa u yoh kiwa jop ha ka Eastern Got Talent ka MCDS

Ka Madonna Cultural Diversity and Modern Society (MCDS) kawa man kawi na ki seiñ kreh monsñiawbha wow pynku ya ki sap ki bru. Ha kani ka kynti daw pynman ko ya ka Eastern Got Talent: Season-1 heiwa ka yakob u man ko ha ki ar kyrdan iwa mut neibynta kiwa em i sap chaad wa i sap rwai.

Hawa yaklam wa kiwa kitkaam ka MCDS, ka Madonna Liza Lyngdoh, Secretary wa u Micky Paul Mawlong, Organising Secretary da pyntip ki wa kani ka lympung yakob pynyoo sap toh hadien wa da pynsangeh ya ka ha u snem wa dadep neidaw wa em ka khlam COVID-19.

Ka Madonna da ong ko wa ha u snem wa dadep hanlada da sdang u pdiang wei wow pynman ya ki Audition, tangwa da hap sangeh noh ya ka neidaw ka khlam u COVID-19 wei ha kani ka kynti da yohbor wow pteiñ biang ya kani ka yakob.

Da ong ko leh wa ha u snem wa dadep da pynbna wow e ya kiwa jop da ka Maruti Alto wa ka poisa tangwa hadien wa chem wa ki khynnah em ki jar jiar i sap la hei rwai namo i chaad, kamtæ da phiah noh ya ka Prize ar bynta (Rwai wa Chaad) kamtæ ha kani ka kynti kiwa jop ha kani ka lympung u yoh ki ka Scooty wa ka song poisa.

Neiliang u Micky da ong u wa i thmu ka seiñ toh wow sai ya ki bru kiwa em sap ha ka jylla neibhah wa boon kiwa em sap tangwa ym yoh laad ki wei deiwa pynman ya kani ka yakob daw ye u pynchlur ya ki wow lai ki chaphrang.

Related posts

Wan pynyoo ki khyllood ka Jaiñtia Hills yei sap ha ka Audition Miss Universe Meghalaya wa Miss Teen Meghalaya wa pynman ha Jowai

March 10, 2026

Deilang ka yalehbol hapyrdi ka liang u Wailadmiki Shylla wa u Kyrmen Shylla ha ka Fete ka Mukhla Raij LP School | Daw em leh ka Bumper Housie kawa Rs. 6 lak

March 9, 2026

Da ong u leh wa kani ka yakob u man ko kawa salonsar wei kawa kyrpang kamtæ ka ka Voting daw em ko du ha ka Grand Finale donhi heiwa ya kiwa jop toh 50% naka Vote katwa 50% won na ki Judge.

Ka bai psiah namo Registration cha kani ka lympung (hadien wa chah jied ki ha ki Audition kamjooh na ka Online Audition) u chim du neibynta kiwa chah jied cha ka Mega Auditions heiwa samen (Solo) u man ko T. 1,000 wei ar ngut (Duet/Goup) won u man ko T. 2,000.

Ya ka Online Audition ye u pdiang hadooh ka 18 tarik uni u bnai wei ya ka Mega Audition u man ko ha ka 20 tarik uni u bnai ha District Library Auditorium, Jowai wei ya kiwa chah jied cha ka Mega Audition daw pyntip ya ki chwa ka 20 tarik.

Ya ka yutip wa bniah ye u yoh deiwa phone ha u Number: 8794541525 / 8837292373.