U Deputy Commissioner ka East Garo Hills kam chibynta wow pynchlur ya ki wym pu em wan chim tika kiwa man kam kiwa chong chnong ka Williamnagar waka Rongrenggre da pynbna u wa daw pynkhle nasib da ki Smart Phone ya kitu kiwa wan chakhmat wow chim yei sien wa nyngkong i tika yada COVID-19 yong ki.
Ya ini daw leh nadooh ka 8 tarik hadooh ka 13 tarik uni u bnai heiwa kiwa wan chim tika daw ye ki u jop da ki Smart Phone.
Kiwa lai chim tika ye ki wow lai cha kiwon kiwon ki thaw e tika wa em hapoh ka Williamnagar Municipal wa ki thaw wa pait ka Rongrengre Dispensary heiwa daw yoh ki ya ka Lottery Coupon kiwa em kamwa 2000 tylli heiwa daw jied ya arngut kiwa jop hadien wa dep pynkhle.
U DC da ong u wa kiwa da yoh tika chisien hapoh ka East Garo Hills toh duna bha ki kiwa em du 49% katwa hapoh India da em ki 78%.
Kam wow pynkynmoo wa u Montri Rangbah, u Conrad Sangma da booh thong u wow e tika cha ki 9 lak ngut hapoh ka jylla ki wym pu em yoh tika chwa wow kut uni u snem.
Hapoh Meghalaya kiwa da yoh tika chisien da em ki 54.9% heiwa da em 5 tylli ki District wa em hapoh 50% kiwa yoh tika.
