Da ki spah mih ki paidbah wow pynkhooid ya ka wah Myntdu ynne ka sngi

Jowai: Ka Seiñraij Jowai hajrong ka thong yong ka Swachh Bharat Mission ynne ka sngi Pynsiñ 23 tarik u Naikhynde dakhut pynman ko yei pynkhooid pynjngiar ya ki bynta ka wah Myntdu wa em nadooh Pynthor Neiñ hadooh Pynthor Wah yong ka chnong Jowai.

Ha ini i pynkhooid da wan yachimbynta da kiwa chong chnong na ki dong wa kynthup ya ka Panaliar, Dulong, Loompyrdi Iongpiah, Loomiongkjam, Tpep-pale, Chilliangraij wa ka Loomkyrwiang deilang ki khynnah puræ ka Seiñraij Higher Secondary School, Jowai.

Ha kani ka sngi chwa wow hiar kiwa yachimbynta cha i doh i pran lynter ka wah Myntdu da em chwa ka yalang yahkhmat wa tbian hapyrdi i emlang u Deputy Commissioner West Jaiñtia Hills District u R. Rapthap, u Chibor Najiar, SDO, PHE (RWS) heiwa ya ka yalang da pyllai da u O.R. Challam, President Seinñraij Jowai wei da yoh leh ki kyntien ngoohblai ngoohsyeim na u Dolloi ka Elaka Jowai u Puramon Kynjin, ki kyntien e mynsien hajrong ka thong yong kani ka sngi na u SK. Lato katwa u Arwotki Sumer, General Secretary Seiñraij ha ka bynta wa kut da pachat u ki kyntien sñiawngooh.

U O.R.Challam kam u chongknor hei kdar wow e ki kyntien yahkhmat da khana pynsñiaw u leh wa kani ka bynta yong i pynkhooid ya ka Wah Myntdu toh kawa da psiah ha ka Road Map yong ka Swachh Bharat Mission yong ka Sorkar India heiwa neiliang uni u waheh kyrmen, yooluti u wa ka sorkar India ha ki por wow wan u chimkhia ko u leh yeiwa emkaam neibynta i man khooid mankyntang ka wah Myntdu.

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U Deputy Commissioner ka West Jaiñtia Hills District hei e ya ki kyntien da yaroh u ya ki bor pyllai ka Seiñraij kiwa da chimkhia wow leh yeiwa bha neibynta ka wah Myntdu kamjooh neibynta ka chnong ka thaw waroh kawi. Kam u khlieh ka District watoh u pait liang wanang yei miat i bha ka imlang sahlang, khut u ya ki paidbah wa chong chnong deiwa ong, to yakrehlang wow pynman ya ka wah Myntdu kawa khooid wei man leh ki bru wa chong chnong kiwa tip u leh dei wa antaad heiyatoh wei rukom pyntngit pyntaroi ya ka Bei Rymaw khnang yow lait nei chah tim pap ha ka pateiñ.