Ka NEHU Deen Dayal Upadhyay Community College for Skill Development, Wahiajer da pynman ko ya ka e sikai wa tip kam ka Skill Up-Gradation Training Programme on “Food Processing” yow sikai chna baam kam ki Chicken Pickle, Peanut Chikki, Ginger Candy, Sweet Potato Chips, Pineapple RTS, Plum Jam wa Plum Squash kawa da pynman nadooh ka 22 hadooh 26 tarik uni u bnai heiwa da wan ya chimbynta da ki spah ngut ki khon khynroo kynthai wa chynrang kamjooh leh ki manbei na ki thaaiñ waphær waphær napoh ka Ri Jaiñtia.
Ya kani ka Training da wan wow wai da u Dr. F. R. Sumer, Librarian, NEHU, Shillong kam u kongsan hei emlang u Prof. H. Lamin (Rtd) Founder, Principal I/c, kam u symbood kongsan, wei ha ka sngi pynkut won da wan da ka B. Rynjah, Joint Registrar, NEHU, Shillong kam ka kongsan wa u Dr. Phervision Nontdu, Principal Jaintia Eastern College, Khliehriat kam u symbood kongsan hei ya emlang ka Prof. S.M. Sungoh, Principal DDUCC.
Neiliang u Prof. P.S. Shukla, Vice Chancellor, NEHU da e u yei yaroh ya ka Prof. S.M. Sungoh kawa da ye u pynman ya kam kini ki jait sikai waphær waphær man-u-bnai yow yarap e sikai ya ki khon khynroo khyllood kamjooh ya ki manbei yow ye ki u seiñ yei khih da i yong ki hi.
Da kular u leh wow e yarap waphær waphær hei wow pynman man-i-por ya kam kini ki jait sikai deilang wa ki Scheme neibynta u pynbiang yeiwa emkaam yow ye u pynku ya ka thaaiñ Jaiñtia wei wow phah leh ya kiwa sikai kiwa pliah katkam juk stat kawa katni khnang wow kyrchaan rap bha chooh chooh wow kyntu kynrong yei yoh i kot ka Ri Jaiñtia waroh ka wi.
Da pynwai ya kani ka e sikai da ki kyntein khublei na u Wolnish Rymbai uwa man kam u College Programme Co-Ordinator ka DDUCC, heijooh i por da saam leh ya ki Certificate cha waroh kiwa chimbynta.
Discussion about this post